அனுமதி

சிரிக்கும் பூக்களை பார்க்கும் பொழுதினில்
உன் பெயர் சொல்லி கூப்பிட்டு இருக்கிறேன்

சல சலக்கும் ஓடையை கடக்கும் நேரத்தில்
உன் கால் கொலுசோ என திரும்ப நினைக்கிறேன்

இரவில் கடந்து செல்லும் அடர்ந்த மேகங்களில்
உன் முகத்தின் சாயல் தேடி அலைந்து இருக்கிறேன்

மெல்ல தொட்டுப் போகும் தென்றல் காற்றினில்
உன் சுவாசம் கலந்து இருப்பதை உணர்ந்து இருக்கிறேன்

நீ என் பெயர் சொல்லி அழைக்கும் போதினில்
என் பெயரும் அழகோ என வியந்து இருக்கிறேன்

சின்னஞ் சிறு தூறல் விழும் சில மாலை நேரங்களில்
நீ என் அருகில் இல்லா வெறுமை கண்டு நொந்து இருக்கிறேன்

உன் ஓரக் கண்ணால் பார்த்து நீ அனுமதிப்பாய் எனில்
உன் நிழலாய் இருக்க நான் சம்மதிக்கிறேன்